حميس بلادي بنين يهبل و ساهل الطياب |وصفات سريعة للصيف|

السلام عليكم بنات بلادي 

اليوم الوصة الثانية لي وصلتنا من مطبخ الشرق عجبتني حبيت نشاركها معاكم .

الحميس يا خويا يا خويا .

مفعمتش لحد اليوم علاه الحميس بنين . هاذا الشيئ ميهمناش اليوم 

نبداوكم مع الوصفة :

حميس بلادي بنين يهبل و ساهل الطياب |وصفات سريعة للصيف|

من الصورة باين يشهي .

يلا نبداو 

الأدوات اللازمة :

1. مقلة تكون مليحة .
2. عندنا الأوات اللازمة للتقطيع .
3. بعض الأواني البسيطة.

المكونات :

1. فلفل حلو حسب الكمية لي حابة طيبيها |عينك ميزانك|
2. فلفل حاار حسب الرغبة. 
3. 2 حبات طماطم كبار.| اذا كانوا صغار ديري 4 طوول |
4. أربع فصوص ثوم
5. زيت الطعام لازم 
6. ملح
7. طماطم مضبر عندنا ملعقة كبيرة.
8. نص ملعكة كبيرة من الطماطم الحار | هريسة |

-----------------------------------------------

طريقة الطهو:

• نشعلوا الطابونة و نشويو الفلفل هوا الأول و من بعد نزيدوا نشويو الطماطم

ملاحظة :

لازم كي نشويوهم نديروهم في ساشي طول |كيس بلاستيكي | باش يتلقو رواحهم و نقدروا نضفوهم

• بعد من نشووهم و نخلصوا نحكمو نحيولهم القشرة تاعهم

ملاحظة :

علابالي كاين بنات يحبوا يغلسلوهم . أنا نقلكم لالا باش تقعد البنة 

• و دوك نجيبوا مقلة و نديروا 3 معالق زيت 
• نزيدولهم الثوم | الزيت و الثوم مم|
• نضيفولهم الفلفل و الطماطم بعد ما قطعناهم .
• و ضك نزيدولهم شويا ملح.
• نخلووهم يتثلاو على نار هادية 

بالصحة و الهناء :

حميس بلادي بنين يهبل و ساهل الطياب |وصفات سريعة للصيف|